ENCIL IOGA 4 NOSON - MARRAKECH

Encil Ioga
4 Noson i Ferched
Perimenoposol a Menoposol

Mai 21 - 25ain
neu / a
Mehefin 12 - 16eg
2025
Marrakech

Profiad unigryw o ioga a lles yn Gymraeg, gyda 4 noson mewn riad moethus ym Marrakech. Mwynhewch ioga dyddiol, myfyrdod, a gweithgareddau unigryw fel seremoni cacao, dawns egstatig, a marchogaeth camel yn yr anialwch.

Ymlaciwch, cysylltwch, a mwynhewch y profiad arbennig hwn.

Encil Ioga 4 Noson - Marrakech

Croeso i brofiad adfywiol yng nghanol Marrakech, wedi'i gynllunio'n benodol ar gyfer merched sy'n mynd drwy perimenopos a menopos. Cynhelir yr encil hwn mewn riad moethus sydd wedi'i adeiladu'n bwrpasol yn y Medina, gan gynnig ymlacio, adnewyddu, ac ymgais i ddathlu cryfder ac adnewyddiad personol. Gyda'i bwll nofio dan do wedi'i gynhesu, shala ioga gyda trochfa sain, sawna isgoch, baddon iâ, ystafell tylino, a lolfa Berber ysblennydd ar y to, mae'r encil hwn yn cynnig man cysgodol perffaith ar gyfer hunanddarganfyddiad a chysylltiad. Bydd y sesiynau ioga a phrif iaith yr encil yn cael eu cynnal yn Gymraeg gyda phwyslais ar hyrwyddo hunan ofal i faethloni’r enaid, gan wneud hwn yn brofiad unigryw a diwylliannol gyfoethog i ferched Cymru.

Mai 21 - Fai 25ain

neu / a

Mehefin 12 - 16eg

2025

Pris: £950

Uchafbwyntiau'r Encil

Sudd boreol wedi'i ddilyn gan sesiynau ioga llif Vinyasa dyddiol a myfyrdod ar y teras to.
Ciniawau iach i faethu eich corff a'ch enaid.
Taith siopa a chrefftwaith yn y medina, gyda amser rhydd i archwilio a siopa'n annibynnol.
Profiad hammam traddodiadol Morocaidd a tylino.
Sesiynau ioga Nidra gyda'r nos ar gyfer ymlacio dwfn,
Noswyl arbennig mewn gwersyll moethus yn anialwch Agafay gyda chinio dan y sér yn cynnwys sesiwn ysgafn o fyfyrio gyda golau cannwyll a cherddoriaeth Morocaidd fyw mewn awyrgylch bythgofiadwy.
Noson puro’r Chakras i gydbwyso’r system hormonaidd i hyrwyddo lles cyffredinol gyda throchfa gong i ddilyn
Noson olaf yn cynnwys Seremoni Cacao a dawns egstatig i gloi'r encil yn egniol a llawen.

Cysylltwch â Ni
Os oes gennych ddiddordeb mewn ymuno â ni yn yr encil ioga ac ymlacio yn Marrrakech, anfonwch e-bost atom.

Byddwn yn falch o'ch croesawu!

Archebwch Le

Gwybodaeth Ychwanegol

Amserlen yr Encil

Diwrnod 1: Cyrraedd a Chroeso

Cyrraedd y riad moethus ym Marrakech.
Cylch croeso yn y lolfa Berber ar y to i gwrdd â chyfranogwyr eraill a gosod bwriadau ar gyfer yr encil.
Sesiwn ioga ysgafn a Nidra i ymlacio’r gorff a thawelu’r meddwl ar ol teithio ac i helpu setlo mewn i'r profiad.
Pryd gyda'r nos iachus a chroesawgar wedi'i ddarparu yn y riad i ddechrau'r encil gyda naws gyfforddus a chartrefol.

Diwrnod 2: Cysylltu ac Archwilio

Sudd bore wedi'i ddilyn gan sesiwn ioga llif Vinyasa egniol a myfyrdod ar y teras to.
Brecinio ysgafn a blasus.
Taith siopa a chrefftwaith yn y medina, gyda amser rhydd i archwilio a siopa'n annibynnol.
Noson puro’r Chakras i gydbwyso egni a hyrwyddo lles, gyda throchfa gong arbennig i orffen y diwrnod mewn tawelwch.
Pryd gyda'r nos wedi'i ddarparu yn y riad.

Diwrnod 3: Maeth ac Antur

Sudd bore a sesiwn ioga adfywiol.
Brecinio ysgafn.
Amser rhydd i archwilio'r medina neu ymlacio yn y riad cyn i'r bws mini ein codi am 2pm.
Teithio i anialwch Agafay i dreulio prynhawn bythgofiadwy wrth y pwll nofio.
Marchogaeth camel i weld y machlud yn yr anialwch.
Myfyrdod tawel gyda golau cannwyll yn y gwersyll.
Pryd gyda'r nos traddodiadol Morocaidd gyda difyrrwch cerddorol a diwylliannol i gloi'r diwrnod.

Diwrnod 4: Ymlacio a Rhyddhau

Sudd bore a sesiwn ioga ar y to yn canolbwyntio ar fyfyrdod a diolchgarwch.
Brecinio gyda chyfle i rannu profiadau a myfyrdodau.
Prynhawn rhydd i archwilio Marrakech neu ymlacio yn lleoliadau tawel y riad.
Profiad hammam traddodiadol Morocaidd wedi'i ddilyn gan dylino ymlaciol,
Seremoni cacao gyda dawns egstatic i gloi'r encil yn llawn egni a llawenydd.
Pryd gyda'r nos ffarwel wedi'i ddarparu yn y riad, yn dathlu cysylltiadau a thwf personol.

Diwrnod 5: Gadawiad

Ioga bore a chylch i gau drwy fyfyrio ar y profiad.
Brecwast ysgafn a gadawiad gyda synnwyr o egni ac adnewyddiad.

Manylion a Phrisio

Dyddiadau: Mai 21 -25ain neu / a Mehefin 12 - 16eg, 2025.
Niferoedd: 10 cyfranogwr (ystafelloedd a rennir yn unig, dau ym mhob ystafell gyda gwelyau sengl. Mae'r ystafelloedd yn fawr gyda gwelyau cyfforddus iawn, wedi'u haddurno'n unigol mewn arddull Berber, yn cynnwys ystafell ymolchi en suite. Lleoliadau ar wahanol lefelau yn y riad am fwy o breifatrwydd).
Pris Rhagarweiniol: £950 (50% yn rhatach na'r pris arferol).
Blaendal: Sicrhewch eich lle gyda £440 cyn Mawrth 20ed.

Mae'r encil hwn yn gyfle i ymlacio, ymarfer ioga yn Gymraeg, a chysylltu â merched tebyg mewn amgylchedd cefnogol a moethus. Ymunwch â ni ym Marrakech am y profiad bythgofiadwy hwn.

Archebwch Le

Elen Haf

Amdanom Ni

Mae Elen Haf ac Elen Aalla wedi bod yn ffrindiau gorau ers eu plentyndod ym Methesda, Cymru. Nawr yn eu 50au, maen nhw'n cyfuno eu harbenigedd i greu'r encil unigryw hwn. Mae gan Elen Haf, sylfaenydd Hafod Holistics, dros 30 mlynedd o brofiad yn y maes gofal, iechyd a lles ac yn Therapydd Cyflenwol cymwysedig yn ogystal â hyfforddwraig Ioga a Myfyrdod gyda dros 400 awr o hyfforddiant gyda'r Yoga Alliance. Mae Elen Aalla wedi bod yn byw ym Moroco ers 10 mlynedd ac yn drigolyn Marrakech. Mae hi'n gyd-berchennog Kaouki Tours Morocco gyda'i gwr, ac yn sylfaenydd Elen Aalla Interiors, gyda degawd o brofiad o redeg teithiau pwrpasol a chreu dyluniadau mewnol. Gyda'i gilydd, maent wedi cyd-greu encil sy'n canolbwyntio ar fwynhau profiad ioga yn Gymraeg ym Marrakech, gan gynnig awyrgylch cefnogol a chyfoethog i ferched. Mae'r encil cyntaf o'i fath, a gynhelir yn Gymraeg, ar gael am bris rhagarweiniol i'ch croesawu i'r profiad anhygoel hwn.

Elen Aalla

Riad Nahla

Rydym wedi dewis Riad Nahla fel lleoliad perffaith ar gyfer ein encil. Wedi'i leoli yng nghanol y medina ym Marrakech, mae'r riad newydd sbon hwn wedi'i adeiladu'n bwrpasol ar gyfer encilion lles. Mae'n cynnig moethusrwydd 5 seren gyda shala ioga, ystafelloedd cyfforddus gyda'u hystafelloedd ymolchi en suite, pwll nofio, bar sudd, a theras to Berber lle gallwch ymlacio a mwynhau golygfeydd ysblennydd o'r ddinas. Mae'r riad hwn yn cynnig lleoliad delfrydol ar gyfer llonyddwch ac adnewyddiad.